«Әлемдегі кез келген команданы жаттықтыра алады»: Қырғызстан шабуылшысы «Ақтөбе» жаттықтырушысына тәнті болды

Қырғызстан ұлттық құрамасының шабуылшысы Жоэль Кожо ASnews.kz сайтына берген сұхбатында «Ақтөбенің» жаңа бапкері Штефан Тарковичпен бірге жұмыс істеу тәжірибесі туралы пікір білдірді.

«Таркович – мен жұмыс істеген ең үздік бапкерлердің бірі. Сеніммен айта аламын: егер оған мүмкіндік берілсе, ол әлемдегі кез келген команданы жаттықтыра алады. Ол және оның көмекшілері – жаттықтырушылық өнерге қатыстының барлығында нағыз кәсіби мамандар. Қосарым: ол жай ғана керемет маман», – деді Кожо.

Естеріңізге сала кетейік, 1 сәуірде «Ақтөбе» Тарковичті команданың бас бапкері етіп тағайындағанын хабарлаған болатын. Словакиялық маманмен келісімшарт осы жылдың соңына дейін жасалған.

Клубтық деңгейде 53 жастағы бапкер «Кошице», «Татран», «Жилина», «Бани Яс» және «Искра» сияқты командаларды жаттықтырған. Сондай-ақ маман Словакия және Қырғызстан ұлттық құрамаларын басқарды.

Айта кетейік, 27 жастағы шабуылшы Жоэль Кожо Штефан Тарковичтің жетекшілігімен 16 матч өткізіп, алты гол соқты және бір нәтижелі пас берді.