Смаков – «Тұранға» келуі туралы: бас бапкерге көмектесемін

Қазақстан құрамасының экс-капитаны Самат Смаков ASnews.kz сайтына берген сұхбатында түркістандық «Тұран» клубына келуі жайында пікір білдірді.

«Қазір клубтың қосынындамын. Ұлықбек Асанбаев хабарласып, командаға және Виктор Балютовичке (Кумыковқа) көмектесуімді сұрады. Балютович те осында, бас бапкерге көмектесемін. Қазір Шымкенттеміз, ертең Түркістанға жол тартамыз. Чемпионат 2 сәуірде басталады. Алдымызда үлкен мақсаттар тұр – Премьер-лигаға қайта оралу. «Тұранда» маған дейін де мықты бапкерлер штабы бар еді: Виктор Кумыков, Олег Корниенко, Руслан Сахалбаев, Константин Горовенко, ал Мақсат Байжанов спорт директоры қызметін атқарады. Құрам да жаман емес», – деді Смаков.

Бұған дейін спорт функционері Ұлықбек Асанбаев Смаковтың бас бапкерді сақтандыру үшін шақырылғанын айтқан болатын. Қазір Кумыков ауыр операциядан кейін оңалту кезеңінен өтіп жатыр.

2026 жылдың басында «Тұран» клубы кәсіпкер Дінмұхамбет Идрисовтың иелігіне өткен еді. Наурыз айында команданы Виктор Кумыков тізгіндеді. Жаңа маусымды түркістандық ұжым бірінші лигада бақ сынайды.