«Қайрат» бапкері «Хан-Тәңірідегі» инфрақұрылым туралы: Нани мен Мозесті қалай әкелесіздер?

Алматылық «Қайраттың» бас бапкері Рафаэль Уразбахтин «Жетісумен» болған голсыз тең ойыннан кейін «Хан-Тәңірі» стадионындағы футбол инфрақұрылымының жағдайына қатты наразылық білдірді, деп хабарлайды ASnews.kz.

«Өткен жылды алайықшы – Қазақстан үшін ұпай жинап, дамуымызды орнынан жылжыту мақсатында Еуропадағы барлық кедергілерді кішкентай қадамдармен еңсеріп келеміз. Ал енді қайтадан ХХ ғасырға оралғандаймыз. Өткен жылы Словения мен Словакия сияқты кішкентай елдерге бардық. Талғардың көлеміндей ғана елдер ғой! Қалыпты алаңдар, қалыпты стадиондар, адамдар бала-шағасымен мерекеге келгендей қуанып келеді. Бізде керісінше. Неге бұлай болып жатыр? Менің тіпті ойын туралы ештеңе айтқым келмейді», – деп налыды маман.

Уразбахтин Қазақстанға атақты легионерлерді шақыру тақырыбына жеке тоқталып, олардың қолайсыз жағдайда өнер көрсетуге мәжбүр екенін атап өтті.

«Сіздер осындай алаңдарға Нани мен Мозесті әкелесіздер. Олар осы алаңдарда ойнай ма? Біз туралы осындай пікір қалыптасып, солай бағалауы үшін неге өзіміз жағдай жасаймыз? Мен мұны мүлдем түсінбеймін. Жақсы алаң бар ма – сонда ойнайықшы. Мықтысы жеңсін! Әр ойыншы өзін жақсы жағдайда көрсетіп, толық стадион жиналса, біз тамаша атмосфера сыйлаймыз. Былтыр «Жетісумен» ойынға стадион лық толған еді. Ал қазір бізді әлдеқайда тығып тастады...», – деп қорытындылады «Қайраттың» бас бапкері.

Талдықорғандық «Жетісу» мен алматылық «Қайрат» арасындағы үшінші тур матчы Алматыдағы резервтік «Хан-Тәңірі» стадионында өтіп, 0:0 есебімен аяқталды.

Тур қорытындысы бойынша «Қайрат» жеті ұпай жинап, чемпионатта жеке-дара көш бастау мүмкіндігінен айырылды. «Жетісудың» еншісінде қазір екі ұпай бар.