Бекбаев – ҚФФ-ның мүмкін бас хатшысы жайлы: жаңа адам келуі керек

Қазақстан ұлттық құрамасының бұрынғы қақпашысы Алмат Бекбаев ASnews.kz сайтына берген сұхбатында Қазақстан футбол федерациясындағы (ҚФФ) кадрлық өзгерістерге қатысты пікір білдірді.

Бұған дейін БАҚ беттерінде босаған бас хатшы лауазымына бұрынғы басшылар Азамат Айтхожин мен Олжас Абраевтың қайта оралуы мүмкін екендігі туралы ақпарат тарап, оқырмандар арасында сауалнамалар жүргізілген болатын. Бұл сыбыстарға қатысты Алмат Бекбаев кесіп айтты:

«Менің ойымша, жаңа адам керек. Бұрын болған мамандардың пайдасы аз болды, сол себептен жаңа адам керек», – деді Бекбаев.

Еске салайық, үлттық құраманың тағы бір экс-қақпашысы Давид Лория бас хатшы қызметінен босатылып, вице-президент лауазымына тағайындалды. Ол енді ұлттық құрамалар департаменті мен бұқаралық футболды дамыту бағыттарына жетекшілік етеді. Енді ҚФФ бас хатшысының міндетін уақытша Александр Кеплин атқаруда.