Сербиялық футболшы: «Елімай» еурокубоктерге шыққанымыз үшін қарыз

«Елімайдың» бұрынғы орталық қорғаушысы, қазіргі уақытта өзбекстандық «Әндіжанның» намысын қорғап жүрген Неманья Чаласан ASnews.kz сайтына берген сұхбатында жаңа командаға бейімделуі және семейлік клубтың қарыздары туралы айтып берді.

«Өзбекстанға бейімделіп үлгердім деп айта аламын, бірақ лиганың өзі туралы пікір білдіруге әлі ерте, өйткені небәрі үш тур ғана өтті. Ал «Елімайға» келер болсақ, бұл – жақсы, ұйымдасқан клуб және олар өсіп келеді. Қарыздарға тоқталсам, маған тиесілі сыйақылар мен жалақымды толық төлеп берді. Тек жабылмаған жалғыз қарыз – өткен маусымда еурокубокке шыққанымыз үшін берілетін сыйақы. Бірақ оны да төлейді деп сенемін», – деді сербиялық футболшы.

2025 жылғы маусымда Неманья Чаласан «Елімай» сапында барлық турнирлерде 28 матч өткізіп, төрт нәтижелі пас берген. Өткен жылдың қорытындысы бойынша семейліктер ҚПЛ-да төртінші орын алды, бұл нәтиже клубқа биылғы жазда УЕФА Конференция лигасының іріктеу кезеңінде өнер көрсетуге мүмкіндік береді.