«Атырау» «Ордабасының» бразилиялық легионеріне қызығушылық танытуда

Шымкенттік «Ордабасының» бразилиялық қорғаушысы Алан Диас «Атырауға» ауысуы мүмкін, деп хабарлайды ASnews.kz.

Дереккөзге сүйенсек, «мұнайшылар» басшылығы 27 жастағы футболшыны өз қатарына қосуға белсенді түрде қызығушылық танытып отыр.

Еске салайық, Алан Диас шымкенттіктер сапын 2025 жылдың шілдесінде толықтырған болатын. Қазақстанға ауысқанға дейін қорғаушы бразилиялық «Ботафого», «Бразил» және «Крисиума» клубтарының намысын қорғап, сондай-ақ болгариялық «Локомотив» пен әзербайжандық «Сумгаит» сапында өнер көрсетті.

Өткен маусымда Диас «Ордабасы» сапында үш ресми матч өткізді. Бразилиялықтың трансферлік құны 100 мың еуроға бағаланып отыр.