Рамазан Оразовтың жұбайы футболшының «Ақтөбеге» оралу мүмкіндігін бағалады

Қазір Данияның «Силькеборг» клубында доп теуіп жүрген Қазақстан құрамасының жартылай қорғаушысы Рамазан Оразовтың жұбайы BorodAbata.kz сайтына берген сұхбатында футболшының «Ақтөбеге» оралу мүмкіндігі жайлы сөз қозғады.

– Егер «Ақтөбеден» қоңырау шалса, сіз оған Қазақстанға қайтайық деп айтасыз ба? Себебі «Ақтөбе» Рамазан үшін бөтен клуб емес және ол жақта ойын практикасы көп болады.

– Қазір «Силькеборг» клубымен жарамды келісімшартымыз бар. Әрі қарай да Еуропада өмір сүруді жоспарлап отырмыз. Бірақ не боларын уақыт көрсетеді. Қазір бірдеңе деп айта алмаймын. Рамазан әзірге «Силькеборгтың» ойыншысы.

– БАҚ-та Рамазанның Еуропадан кетіп, Қазақстанға оралуы мүмкін деген ақпарат сіздерге кері әсер етпей ме?

– Жоқ, қатты әсер етпейді. Біз Рамазанға Еуропаның клубтары, сондай-ақ Қазақстанның командалары қызығып жатқаны туралы жаңалықты оқып жүрміз. Бірақ қазір біз Даниядамыз және «Силькеборгта» ойнап жүрміз.