«Елімайдың» қыруар қарызы бар: басшылықта өзгерістер болады

Семейлік «Елімай» өткен жылдар ішінде қыруар қарыз жинап қалған, деп хабарлайды ASnews.kz.

Қазіргі уақытта еліміздегі ең ірі мыс өндіруші компаниялардың бірі – KAZ Minerals-пен келіссөздер жүргізіліп жатыр. Жаңа инвесторлар Қазақстан футбол федерациясының басшылығымен кездесу өткізді. Басты шарттардың бірі – клубты қарызсыз толықтай меншікке өткізу, ал қарыздар наурыз айының соңына дейін толық жабылуы тиіс.

Осыған байланысты «Елімай» басшылығының құрамында айтарлықтай өзгерістер болады деп күтілуде.

Еске салайық, 2025 жылғы маусымның қорытындысы бойынша команда 48 ұпай жинап, турнирлік кестеде төртінші орынға табан тіреді. Бұл нәтиже клубқа биыл Конференция лигасының іріктеу кезеңінде бақ сынауға мүмкіндік береді.