Бундеслиганың бұрынғы ойыншысы – ҚПЛ туралы: жаңа маусымда «Ақтөбеге» қиын болады

«Ақтөбенің» украиналық қорғаушысы Иван Ордец ASnews.kz сайтына берген сұхбатында Қазақстан чемпионатының даму деңгейін бағалап, алдағы маусымнан не күтетінімен бөлісті.

«Футбол жыл сайын дамып келеді. Егер бұрын футболшылар[алаңда көп ойланбаса, қазір олар тез шешім қабылдайды, қорғаныс пен шабуылда ойынды қалай құру керектігін интернеттен көріп-біледі. Барлығы өзгелердің қателігінен сабақ алады», – деп атап өтті Ордец.

Сондай-ақ қорғаушы жаңа маусым «ақ-қызылдар» үшін маңызды сынақ болатынын баса айтты.

«Биыл «Ақтөбеге» оңай болмайтынына, қиынға соғатынына сенімдімін. Командалар жекеменшік қолға өтіп жатыр. Демек, клубтардың бюджеті ұлғаяды, бұл оларға сапалы ойыншыларды сатып алуға мүмкіндік береді. Инвестиция көбейеді – Қазақстан чемпионатының дамуы (прогресі) да осында», – деді футболшы.

33 жастағы Иван Ордец донецкілік «Шахтер», мәскеулік «Динамо» және германиялық «Бохум» сапындағы ойындарымен танымал. Сондай-ақ оның еншісінде Украина ұлттық құрамасы сапында өткізген 12 матч және бір гол бар.