Желькович – «Ақтөбеге» ауысуы туралы: мұның топ-клуб екенін білдім

«Ақтөбе» клубының шабуылшысы Айдын Желькович ASnews.kz сайтына берген сұхбатында жаңа командасы туралы алғашқы әсерімен бөлісіп, неге Қазақстанға келгенін түсіндірді.

«Шынымды айтсам, бұрын көп ақпарат білмейтінмін. Бірақ клуб басшылығы бізбен байланысқа шыққаннан кейін және агент қызығушылық барын айтқанда, мен команда туралы интернеттен оқи бастадым.

Сол кезде «Ақтөбенің» нағыз топ-клуб екенін, алдына ең жоғары мақсаттар қоятынын түсіндім. Бұл команданың чемпиондық үшін күресетінін ұқтым», – деді Желькович.

Ойыншының айтуынша, ол ұжымға тез сіңісіп кеткен, бұған киім ауыстыратын бөлмедегі атмосфера себеп болған.

«Ақтөбедегі алғашқы күндерім өте жақсы өтіп жатыр. Командадағы әріптестерім – шын мәнінде мықты футболшылар әрі адам ретінде де тамаша жандар. Жаттығу процесі де жақсы жүріп жатыр, сондықтан алғашқы әсерімді өте жақсы деп бағалаймын».

Желькович сондай-ақ ақтөбелік жанкүйерлер туралы естігенін атап өтті:

«Әрине, жанкүйерлер туралы естідім. Оларды стадионда көруге асықпын. Команда ретінде әр ойында бар күшімізді саламыз. Олар да бізді қолдайды деп сенеміз. Құдай қаласа, жақсы маусым өткізіп, бірге көптеген жарқын сәттерді бастан кешіреміз».

28 жастағы Айдын Желькович «Ақтөбеге» Швецияның «Вернаму» клубынан ауысып келді. Өткен маусымда ол Швецияның жоғары лигасында 27 матч өткізіп, жеті гол мен екі нәтижелі пастығ авторы атанды. Transfermarkt порталы футболшыны 600 мың еуроға бағалап отыр.