Арда Туранның қол астында ойнаған украиналық футболшы ҚПЛ клубына ауысуы мүмкін

Украиналық вингер Дмитрий Топалов қазақстандық клубтармен келіссөздер жүргізуде, деп хабарлайды ASnews.kz.

27 жастағы футболшы алдына үлкен мақсат қоятын, топ-клубтардың біріне ауысуға дайын. Ойыншының өкілдері бірнеше командамен байланыс орнатып үлгерген.

Өткен жылдың соңында Топалов «Шахтер Донецк» клубынан кеткен еді. Ол жақта алаңға жиі шықпаған. Ал клманданың бас бапкері – Түркия құрамасының бұрынғы жұлдызы Арда Туран.

«Шахтердан» бөлек, Топалов «Мариуполь», «Колос» және ЛНЗ клубтарында ойнаған. Украина Премьер-лигасында 99 матч өткізіп, 11 гол соқты, 5 нәтижелі пас берді. Украина жастар құрамасында 15 ойынға қатысып, 3 голды өз атына жазды. Футболшының трансферлік құны 500 мың еуроға бағаланып отыр.