«Црвена Звезда» академиясының түлегі «Жеңіс» клубында қаралымда жүр

Сербиялық вингер Богдан Петрович елордалық «Жеңіс» клубының оқу-жаттығу жиынына қатысып жатыр, деп хабарлайды ASnews.kz.

22 жастағы футболшы «Приштинаға» қарсы жолдастық кездесуде алаңға шықты. Ойын 1:0 есебімен косоволық клубтың пайдасына аяқталды.

Петрович «Црвена Звезданың» жастар командасынан бөлек, өз отанында «Бачка Топола», «Слобода» клубтарында өнер көрсеткен. Сондай-ақ БАӘ-нің «Аль-Наср» командасы мен Грекияның «Панагриакос» клубында ойнаған.

Қаңтар айынан бері футболшы еркін агент ретінде жүр.

Transfermarkt порталы оның трансферлік құнын 150 мың еуроға бағалап отыр.