«Жеңістің» экс-легионері – клубтан кетуі жайлы: Лория менің командада қалғанымды қалады

Португалиялық вингер Гонсалу Тейшейра ASnews.kz сайтына берген сұхбатында елордалық «Жеңістен» кетуінің себептерін түсіндірді.

– Клубтан не себепті кеттіңіз? Бұл бапкердің ауысуына немесе бейімделу мәселесіне байланысты болды ма?

«Менің клубта қалғым келді, алайда алған жарақатым өз деңгейімде ойнауға және жаттығуға мүмкіндік бермеді. Осы себепті клуб басшылығымен сөйлесіп, толық қалпыма келу үшін Португалияға оралу ең дұрыс шешім деп келістік.

– Давид Лориямен немесе клуб басшылығымен келісімшартты ұзарту жайында әңгіме болды ма?

– Иә, ол кісімен сөйлестім. Олар менің командада қалғанымды қалады. Себебі менің жақсы маусым өткізуге қабілетім бар екенін білді. Алайда, өкінішке қарай, жарақат бұған мүмкіндік бермеді.

«Жеңістен» кеткен соң Тейшейра Португалияның «Варзим» клубына ауысты. 2025 жылғы маусымның бірінші бөлігінде ол елордалық клуб сапында төрт матч өткізді. Бұған дейін жартылай қорғаушы Португалияның «Лулетано», «Эсперанса», «Вилаверденсе» клубтарында, сондай-ақ Румынияның АЦСМ командасында өнер көрсеткен.

ҚФФ-ның бас хатшысы Давид Лория елордалық клубты басқару жұмысынан шеттетілгенін ресми түрде мәлімдеген болатын.

Бұған дейін астаналықтардың бұрынғы бас бапкері Андрей Демченко да клубтан кетер алдында Лориямен сөйлескенін растаған еді.