Беларусь футболшысының агенті: «Ақтөбеден» ешкім хабарласқан жоқ

Беларусьтік орталық қорғаушы Максим Швецов «Ақтөбе» клубының қызығушылық танытып отырған ойыншыларының қатарына кірмейді, деп хабарлайды ASnews.kz.

Польшалық БАҚ-та тараған ақпаратқа қарамастан, «ақ-қызылдар» «Динамо Минсктің» 27 жастағы түлегін қатарға қосу жөнінде ешқандай келіссөз жүргізбеген. «Ротордан» кеткеннен кейін Швецов еркін агент ретінде жүр.

«Бұл шындыққа жанаспайды. «Ақтөбеден» маған ешкім хабарласқан жоқ», – деді футболшының агенті Алим Михеев.

Максим Швецов Ресейдің бірінші дивизионында 32 матч өткізген. Беларусь құрамасы сапында 12 ойынға қатысқан.

Осы қысқы үзіліс кезінде «Ақтөбе» сапын тағы бір орталық қорғаушы – Иван Ордец толықтырды. Украиналық футболшы бұған дейін «Шахтер Бонецк», «Динамо Мәскеу» және «Бохум» клубтарында өнер көрсеткен.