«Ордабасы» директоры – жаңадан келген бапкер жайлы: ең лайық кандидат осы болды

«Ордабасының» спорт директоры Қайрат Әшірбеков ASnews.kz сайтына берген сұхбатында клубқа жаңадан келген қақпашылар бапкеріне қатысты пікірімен бөлісті.

«Денис Романенко негізі өткен жылы «Ордабасыға» келуі керек еді. Алайда, бұл кісінің «Петрокуб» командасымен келісімі болды. Бас бапкер Андрей Мартин өзімен бірге жұмыс істеген сенімді адамды алғысы келді. Денис Романенко «Петрокуб» командасында және өз елінің ұлттық құрамасында қызметте болды.

Біздің ойымызша, қақпашылар бапкері лауазымына ең лайық кандидат осы кісі. Жиынға жақсы араласып, өте қызықты жаттығулар өткізіп жатыр. Тура қазіргі жағдайда мұндай деңгейдегі қақпашылар бапкерін табу да оңай емес. Ең бастысы біздің қақпашыларымыз бапкермен үйлесімді жұмыс істеп, жаңа маманның біліктілігін жақсы бағалап отыр», – деді функционер.

Бұған дейін БАҚ беттерінде «Ордабасы» клубының Денис Романенконы қақпашылар етіп тағайындағаны туралы ақпарат тараған еді.