Усман Камараның агенті: «Ақтөбеге» ауысады деген ақпарат шындыққа жанаспайды

БАҚ-та тараған ақпаратқа қарамастан, гвинеялық футболшы Усман Камара «Ақтөбе» клубымен келіссөз жүргізіп жатқан жоқ, деп хабарлайды ASnews.kz.

«Астана» клубымен келісімшартын бұзған 27 жастағы футболшы дәл қазір «ақ-қызылдар» сапына ауыспайды.

«Камараның трансфері үшін «Ақтөбемен» қандай да бір байланыс болды деген сөз – жалған», – деді футболшының агенті Лино Грумиро..

Бұған дейін БАҚ беттерінде африкалық ойыншы Әлібек Қасымның трансфері аясында «Ақтөбеге» келуі ықтимал деген мәлімет тараған болатын. Қазақстан құрамасының қорғаушысы алдағы маусымды елордалық клуб сапында бастайды деп күтілуде.

Ал Усман Камараға келсек, ол жалақының уақытылы төленбеуіне байланысты «Астанадан» кетті. Гвинеялық футболшының басты мақсаты – Еуропаға кету. Қазақстан чемпионатында өткізген 71 матчта ол 17 гол соғып, 18 нәтижелі пас берген.