ҚПЛ клубтары молдовалық қақпашыға қызығуда

Молдовалық «Бэльц» клубының қақпашысы Артур Назарчукқа қазақстандық командалар қызығушылық танытуда, деп хабарлайды ASnews.kz.

Сол елдегі БАҚ-тың хабарлауынша, Премьер-лига клубтары бойы 198 сантиметрді құрайтын 21 жастағы қақпашымен келісімшартқа отыру мүмкіндігін зерделеп жатыр. Дегенмен, ойыншының өзі мансабын басқа лигада жалғастырғысы келеді екен.

«Украина чемпионаты басымдыққа ие. Соңғы кездері бізге көптеген қоңыраулар түсіп жатыр», – деді Назарчуктың айналасындағы өкілдері.

Қақпашы биылғы маусымда 16 матч өткізіп, бес рет қақпасын голдан аман сақтады.

Назарчук Молдованың жастар және жасөспірімдер құрамасында ойнаған.