Исламхан неліктен «Қайсар» мен «Оқжетпестен» бас тартқанын түсіндірді: жай ғана барып отыра алмаймын

Қазақстан ұлттық құрамасының бұрынғы капитаны Бауыржан Исламхан ASnews.kz сайтына берген сұхбатында жыл басында басқа клубтардан түскен ұсыныстардан не себепті бас тартқанын айтты.

«Маусымның басында «Қайсар» мен «Оқжетпестен» ұсыныс болды. Ол командаларға алғысымды білдіремін, алайда олармен сөйлескенде, шындықты айттым: «командаға қосыла аламын, бірақ көмекші бола алмаймын» деп ескерттім. Мен жарақатымнан айықпадым, тіпті жүгіріп те бастамаған едім. Әшейін барып отыра аламын, бірақ мен ондай емеспін. Намысым бұлай жасауға жібермейді», – деді Исламхан.

Сондай-ақ, жартылай қорғаушы «Астанаға» қалай келгенін және қазіргі жағдайы туралы баяндады.

«Содан кейін «Астана» мені қолдап, қалада екендігімді естіп, командаға шақырды. Олармен бірге жаттығу жасап жүрдім. Шүкір, қазір аяғыммен бәрі жақсы. Бұған дейін басқа ешбір клубтан нақты ұсыныс болмады», – деп қорытындылады футболшы.

Еске салайық, Бауыржан Исламхан жарақатына байланысты 2025 жылғы маусымда бірде-бір ресми матчқа қатысқан жоқ. «Астана» басшылығы бұған дейін футболшыға оңалту шараларынан өтуге көмектесіп жатқанын мәлімдеген болатын.

Бұған дейін футболшы «Таразға» оралу жоспарымен бөлісті.

Толық шығарылымды көру