Бауыржан Исламхан: «Таразға» Премьер-лигаға шыққанда ораламын

Қазақстан ұлттық құрамасының бұрынғы капитаны Бауыржан Исламхан ASnews.kz сайтына берген сұхбатында әзірге «Таразға» оралуға дайын емес екенін мәлімдеді.

«Тараздың» жаңа директоры Дидар Сыдықбекпен жақсы таныспын. Оған сәттілік тілеймін. Оның ең алғашқы мақсаты – «Тараз» клубын Премьер-лигаға шығару. Өйткені бұл жақтан қаншама мықты футболшылар шықты. Мен оған: «команданы ҚПЛ-ға шығарсаң, сол кезде сөйлесейік» деп айттым. Ал қазір мақсатым басқа. Ұлттық құрамаға оралып, өзімді дәлелдегім келеді. Қаншама қиындықтан өтсем де, осындай арманым бар. Ол үшін еңбек ету керек, қалғанын уақыт көрсетеді.

– Сен ұзақ уақыт бойы футбол ойнамадың. Бірден Премьер-лига клубында ойнап кету қиын болмай ма?

– Егер басыңды істетіп, жақсы ойнап, өзіңді дәлелдей білсең, қиын болмайды. Біз жыл сайын жаңа жыл алдында «Тараз» клубының түлектері бас қосамыз. 27 желтоқсанда бәріміз футбол ойнаймыз, артынша банкет болады. Бұл біраз уақыттан бері қалыптасқан дәстүр.

32 жастағы жартылай қорғаушы 2025 жылғы маусымда жарақатына байланысты бірде-бір ресми матч өткізген жоқ. Ол соңғы рет алаңға 2024 жылдың 17 қарашасында Норвегияға қарсы (0:5) Ұлттар лигасының ойынында шыққан болатын.

Толық шығарылымды көру