Айымбетовтың агенті – жаңа клуб жайлы: бізде бірнеше нұсқа бар

Абат Айымбетовтың агенті Траян Гергишан ASnews.kz тілшісіне берген сұхбатында қазақстандық шабуылшының болашағы туралы айтты.

«Негізі, бізде бірнеше нұсқа бар. Абаттың қай клубқа баратынын көре жатармыз. Қай елдің клубтары қызығушылық танытып жатыр дейсіз бе? Мен мұны құпия ретінде сақтаймын», – деді агент.

30 жастағы шабуылшы биылғы жылдың мамыр айынан бері алаңға шықпады. Жазда ол еркін агент ретінде түркиялық «Адана Демирспор» клубынан кетті. Ол жақта 37 матч өткізіп алты гол соқты.

Андрей Владтың да ісін жүргізетін Гергишан қақпашының «Ақтөбедегі» болашағы туралы пікір білдіруден бас тартты. «Ақ-қызылдар» Александр Заруцкий келгеннен кейін румыниялық голкипермен қоштасады деп күтілуде.