«Порту» мен Португалия құрамасының бұрынғы футболшысы Қазақстанға келуі мүмкін

Португалиялық шабуылшы Руй Педро қазақстандық клубтармен келіссөздер жүргізуде, деп хабарлайды ASnews.kz. 27 жастағы футболшы еркін агент ретінде Қостанайдың «Тоболына» ауысуы мүмкін.

Руй Педро ағымдағы маусымда Түркияның бірінші лигасында «Хатайспор» үшін алты ойын өткізіп, үш гол соқты, бірақ қараша айында командадан кетті.

Португалиялық футболшы мансабында «Порту» командасының негізгі және қосалқы командаларында (тоғыз ойында екі гол соқты), «Боавишта», «Гранаданың» (Испания) дублінде, «Пенафиел», Словенияның «Олимпиясында» және басқа да клубтарда ойнады. Ол Словенияда ең сәтті кезеңін өткізіп, 46 ойында 16 гол соқты.

Педро Португалияның жасөспірімдер және жастар құрамаларында ойнаған. Шабуылшының трансферлік құны 500 000 еуроға бағаланып отыр.