«Астананың» бұрынғы бапкері Қазақстан чемпионатына оралуы мүмкін

Украиналық бапкер Роман Григорчук кей қазақстандық командалардың бас бапкер қызметіне үміткер ретінде қарастырылуда, деп хабарлайды ASnews.kz.

60 жастағы маман биылғы көктемнің соңында украиналық ЛНЗ клубынан кеткелі бері жұмыссыз жүр.

2019 жылы «Астанадан» кеткен соң Григорчук «Шахтер Солигорск», украиналық «Черноморец» және әзербайжандық «Нефтчиде» жұмыс істеді.

Ол бапкер ретінде Қазақстан (және Суперкубок), Беларусь пен Латвия (үш мәрте) чемпионы атанды, сондай-ақ Әзербайжан, Беларусь, Латвия және Украинада түрлі медальдар мен кубоктарды жеңіп алды.

Бұған дейін «Ақтөбе» болгариялық маман Николай Костовты келісімшартына қарамастан қызметінен босатуды жоспарлап отырғаны белгілі болды.