Оразовтың агенті – «Елімайдың» мүмкіндігі туралы: жалпы кезеңге шыға алады

Қазақстан құрамасының жартылай қорғаушысы Рамазан Оразовтың бельгиялық агенті Кен Ван Дейк ASnews.kz сайтына берген сұхбатында «Елімай» командасының Конференция лигасындағы мүмкіндіктерін бағалады.

«Менің ойымша, «Елімайдың» Конференция лигасында алысқа шабуға толық мүмкіндігі бар. Неге жалпы кезеңге ұмтылмасқа? Биылғы маусымда «Қайрат» қазақстандық командалардың бұл кезеңге жете алатынын дәлелдеді.

Рамазан «Тобыл» сапында ойнаған кезде, олар топтық кезеңге шығуға өте жақын болды, іріктеу кезеңінде «Базель» сияқты мықты клубтарды жеңді. Айтпақшы, Рамазан «Базельге» қарсы әдемі гол соқты. Оның еуропалық тәжірибесі команда үшін үлкен пайда әкелетініне сенімдімін. Оларға сәттілік тілеймін және турнирдің негізгі кезеңіне шыға алады деп үміттенемін», – деді Ван Дейк.

«Елімай» өткен маусымда ҚПЛ-да төртінші орын алып, УЕФА Конференция лигасына жолдама алды. Бұл Семей клубының жаңа тарихындағы алғашқы еурокубок тәжірибесі болады.

Күні кеше «Елімай» Рамазан Оразовты Данияның «Силькеборг» командасынан толық сатып алғанын хабарлаған болатын. Қазақстан құрамасының жартылай қорғаушысы клубпен 2027 жылдың соңына дейін жарамды келісімшартқа отырды.

Ван Дейк ізін ала Оразовтың «Елімаймен» толыққанды келісімшартқа отыруына қатысты пікір білдірді.