Миллиардер «Қызылжарға» инвестицияны біртіндеп салады: келесі жылғы бюджеті анықталды

Белгілі кәсіпкер Сергей Кан 2026 жылғы маусымда «Қызылжар» футбол клубына бір миллиард теңге инвестиция салады, деп хабарлайды ASnews.kz. Сондай-ақ, ол алдағы бірнеше жылда академия мен жаттығу алаңдарын салуды жоспарлап отыр.

Облыстық бюджетке келетін болсақ, ол жақтан келесі жылғы ҚПЛ маусымына шамамен екі миллиард теңге бөлінеді. Сонда «Қызылжардың» жалпы бюджеті шамамен үш миллиард теңгені құрайды.

Сергей Кан – «Қазақ мұнай және газ институты» АҚ (ҚМГ) жалғыз акционері және директорлар кеңесінің мүшесі. Ол Павлодар, Ақмола және Солтүстік Қазақстан облыстарында жұмыс істейтін «ЦАЭК» АҚ және «ЦАТЭК» АҚ энергетикалық компанияларының иесі. Александр Клебанов және оның ұлы Яковпен бірге «Circle Maritime Invest» АҚ кеме қатынасы компаниясына иелік етеді, сондай-ақ Rixos Almaty қонақ үйі мен TOO «Теңіз Star» компаниясында үлестері бар.

Сонымен қатар, Кан «Circle Maritime Invest» директорлар кеңесінде қызмет етеді, Қазақстандағы корейлер қауымдастығыны кеңесінің мүшесі және IQanat білім беру бастамасына қатысады.