Бага – «Қайрат» футболшысының үздік атанғаны жайында: Громыко бұған лайық

«Ақтөбенің» бұрынғы бас бапкері Алексей Бага ASnews.kz сайтына берген сұхбатында Валерий Громыконың Беларусьтің 2025 жылғы үздік ойыншысы атанғанына қатысты пікір білдірді.

«Бұл әділ шешім болды, өйткені Мартынович пен Громыко біздің еліміздің атынан Чемпиондар лигасында – ең күшті клубтық жарыста өнер көрсетуде. Валерий ұлттық құрама сапында да гол соғып, ассист жасауда, сондықтан осы маусымда қолынан келгеннің бәрін жасап жатыр деп айтуға болады.

Беларусь клубтарының еурокубокта жолы болған жоқ, ал үздік футболшыны жергілікті чемпионаттан таңдау мүлдем дұрыс емес. Сондықтан Громыко бұл марапатқа лайық. Оның соңғы ойындарына қатысты хейт көбейді дейсіз бе? Бұл олардың «Қайратпен» осындай деңгейдегі алғашқы тәжірибесі екенін ұмытпайық: тығыз кесте, алыс сапар және мықты қарсыластар. Жыл бойы тұрақты нәтиже тіркеу қиын, әсіресе «Реал Мадридпен» болған ойындағыдай психологиялық қысым кезінде», – деді Бага.

Өткен маусымда 28 жастағы жартылай қорғаушы Премьер-лигада 24 матч өткізіп, төрт гол мен сегіз нәтижелі пастың авторы атанды. Ол Чемпиондар лигасының бес матчына қатысып, нәтижелі әрекетпен көзге түспеді.

Громыко алматылық клубқа өткен жазда ауысқан еді. Оған дейін «Қайсар», «Торпедо Мәскеу» және БАТЭ командаларында ойнаған.

Бұған дейін ОФИ клубының қорғаушысы Илиас Хадзитеодоридис «Қайрат» пен «Олимпиакос» арасындағы матч туралы пікір білдірген болатын.