Қашкен – жалақысы туралы: он матч сайын айлығым көтерілді

25 жастағы қазақстандық қорғаушы Дінмұхаммед Қашкен ASnews.kz сайтына берген сұхбатында осы уақытқа дейін кәсіби клубтарда алып келген жалақысы туралы пікір білдірді.

– Кәсіби футболшы ретінде отбасыңды футболмен асырай аласың ба?

– Қазақстан футболында жақсы ақша төленеді, егер ұлттық құраманың ойыншысы болып, белгілі бір жетістікке жетсең. Әрине, үнемдесең, асырауға болады. Мансабыңды жақсы құрып, «Астана», «Қайрат», «Ақтөбе», «Елімай» секілді клубтарда ойнасаң, еш қиындықсыз жеткізіп, тіпті артылдыруға болады. 

– Қазақстандық клубтармен келіссөз жүргенде олардан қанша жалақы беретінін сұрайсың ба? Мүмкін, өзіңнің талабыңды қоятын шығарсың.

– Ешқашан сұрамаппын. Маған тек ойын практикасы маңызды. 

– Бұл клуб басшыларын және бас бапкерді таңқалдырды ма?

– Олар менің ақшаға қызықпайтынымды біледі. Маған тек ойын практикасы маңызды. 

– Мансабыңдағы ең үлкен келісімшарт қандай?

– «Жальгиристе» болды. Айлығым он бес мың долларды құрады және бонустар бар. Сол жылы Конференция лигасына шықтық. Бұл үшін 40 мың еуродай сыйақы берілді. Теңгеге шаққанда жақсы ақша болады. Алғашында үш мың доллар еді. Чебурин сол кезде ойнағаныңа байланысты жалақың айтарлықтай өседі деп айтты. Айлығым әр он ойын сайын көтерілді. 

– Қазақстанда «Ақтөбе», «Астана» және басқа даклубтарда ойнадың. Қайсысы көп төледі?

– Ол кезде доллардың курсы төмен еді. Шынымды айтсам, «Астана» да, «Ақтөбе» де бірдей ақша берді. Қазақстанда әлі үлкен келісімшарт алған жоқпын. Болашақта бола жатар.

Қашкен бұған дейін «Қайсар», «Ақтөбе», «Шахтер», «Жальгирис» (Литва), «Хан-Тенгри», «Ұлытау» клубтарында доп тепті. Ал өткен маусымда «Жетісудың» намысын қорғады.