«Атыраудың» экс-футболшысы: биыл бұрынғыдай ойнай алмағаным өкінішті

«Атыраудың» бұрынғы шабуылшысы Жоэль Каямба ASnews.kz сайтына берген сұхбатында өткен маусымды қорытындылады.

«Атырауға» оралу тек жақсы эмоциялар сыйлады. Біз мақсатымызға жетіп, ҚПЛ-да қалдық, бірақ жеке өзім үшін өте қиын маусым болды, себебі жарақат жиі мазалады. Оның үстіне, тура командаға менің қолдауым қажет болған кезде жарақат алып қалдым», - деді конголық футболшы.

33 жастағы Каямба «мұнайшылар» сапынан кеткенін растады:

«Маған сапалы физиотерапия және қалпыма келу үшін уақыт қажет болды, бірақ бұл қалада қажетті жағдайлар жоқ. Дәрігер Азамат қана маған көмектесті. Мен күн сайын жаттығуға жарақатпен шығып жүрдім, жағдайым мүлдем жақсармады. Иә, мен соңғы екі матчқа дайын болдым, бірақ ол кезде маусым аяқталып қалған еді.

Жалпы, мен «Атырау» ҚПЛ-дағы өз орнын сақтап қалғанына қуаныштымын, бірақ бұрынғыдай ойнамағаным өкінішті. Қазір Париждемін. Әрі қарай не болатынын білмеймін – мен мансабымды жалғастыру үшін нұсқалар күтіп отырмын».

Каямба осы жазда «Атырауға» оралды, мұнда ол бұрын 27 ойын өткізген болатын. Осы маусымда үш матчқа қатысып, бірде-бір гол соға алмады.