Эль-Мессауди – өткен маусым жайлы: «Тобыл» прагматикалық футбол ойнады

Қостанайлық «Тобол» командасының жартылай қорғаушысы Ахмед Эль-Мессауди ASnews.kz сайтына берген сұхбатында маусымды қорытындылап, команданың прогресс жасағанын және өзінің жетістіктерін атап өтті.

– Ахмед, қиын маусым артта қалды. Команда және жеке өзіңіз үшін маусымды қалай бағалайсыз?

– Менің ойымша, биыл өткен жылға қарағанда прагматикалық футбол ойнадық: көбінесе 1:0 немесе 2:1 есебімен жеңіске жеттік. Команда қорғанысты жақсартты – бірқатар матчтарда қақпамызға гол өткізбедік. Қорғаушыларға алғыс айтамын.

Мен де жақсы нәтиже көрсеттім. 2024 жылға қарағанда он матч аз өткізгеніме қарамастан, менің статистикам жақсара түсті (сегіз гол және алты пас, ал өткен жылы жеті гол және сегіз пас болған еді). Әрқашан алға жылжуға мүмкіндік бар, бірақ өткен маусым мен үшін өте жақсы болды», – деді Эль-Мессауди.

30 жастағы марокколық жартылай қорғаушы 2025 жылғы маусымда 26 матч өткізіп, жеті гол соқты, сегіз ассист жасады. «Тобыл» сапында Эль-Мессауди Қазақстан кубогын және чемпионаттың қола жүлдесін жеңіп алды.