Шетелдік футбол агенті – қысқы трансферлер туралы: екі Беларусь футболшысы ҚПЛ-ға оралуы мүмкін

Беларусь агенті Виталий Леденев ASnews.kz сайтына берген сұхбатында «Каспийдің» бұрынғы ойыншылары Алексей Залеский мен Максим Плотников Премьер-лигаға оралуы мүмкін екенін айтты.

«Мен Залеский Қазақстанға оралады деп үміттенемін. Алексейдің жоғарғы лига көшбасшысы «Макслин Витебскпен» келісімшарты аяқталып келеді, сондықтан ол ҚПЛ-ға қуана-қуана оралар еді. Оның бұл чемпионат туралы жақсы естеліктері мен пікірлері бар.

Сондай-ақ, онымен бірге «Каспийде» ойнаған Плотников бар. Максим ауыр жарақат алса да, «Локомотив» сапында жаттығып, қазіргі уақытта жоғары орындар үшін күресіп жатқан «Славияның» негізгі ойыншысына айналды. Ол да Қазақстан Премьер-лигасына оралуы мүмкін», – деді Леденев.

31 жастағы қорғаушы «Каспий» сапында 2021 және 2023 жылдары ойнады. 38 матчқа қатысқан ол кейін «Торпедо-БелАЗ» командасына ауысты.

27 жастағы қақпашы ақтаулық клубта 21 матчқа қатысып, 2024 жылдың басында командадан кетті. Артур Шушеначевпен соқтығысқаннан кейін Плотниковтың аяғы сынып, нәтижесінде ұзақ уақыт бойы алаңға шыға алмады.