«Хартс» пен «Жеңістің» экс-футболшысы – Чесноков жайлы: ол Шотландияда өзін көрсетеді

«Хартс» және «Жеңіс» командаларының бұрынғы ойыншысы Кристиан Новак ASnews.kz сайтына берген сұхбатында Ислам Чесноковтың Шотландияға кетуіне қатысты өз пікірімен бөлісті.

«Шотландияда сізден көп нәрсені талап етеді: ойын Қазақстанға қарағанда физикалық тұрғыдан қиынырақ, жылдамырақ және қарқыны жоғары. Онда жоғары деңгейлі ойыншылар көп, бірақ Чесноков та өте жақсы футболшы. Оның жылдамдығы, техникасы бар және шабуылға бейім, сондықтан тез арада бейімделіп, өз шеберлігін көрсетеді. «Хартс» – Исламға барлық мүмкіндігін көрсетуге мүмкіндік беретін ақылды бапкері бар маңызды клуб.

Бұл Ислам үшін тамаша мүмкіндік, себебі Шотландия Премьер-лигасы Англияға жақын. Көптеген клубтар сол жақтағы ойыншыларды бақылап, ең мықтыларымен келісімшартқа отыруда, сондықтан бәрі өз қолында», – деді поляк қорғаушысы.

25 жастағы «Тобыл» шабуылшысы қаңтар айында «Хартс» сапында дебют жасайды. Ол желтоқсанда командамен бірге жаттыға бастайды.

31 жастағы Новак шотландиялық клубта 2016 жылдан 2018 жылға дейін ойнады. Өткен жазда ол «Жеңістен» «Андижанға» ауысты.

Бұған дейін «Хартс» пен Литва құрамасының бұрынғы қорғаушысы Саулюс Миколюнас Ислам Чесноковтың болашақта АПЛ клубына ауысуы мүмкін екенін айтқан болатын.