«Ақтөбенің» экс-директоры: маусымды құтқаруға болар еді

«Ақтөбенің» бұрынғы спорт директоры Асхат Қалжанов ASnews.kz сайтына берген сұхбатында «ақ-қызылдардың» маусымды турнир кестесінің басында аяқтай алмауының себебін түсіндірді.

«Ақтөбедегі» проблемалардың бірнеше себебі бар. Ең бастысы – спорттық және әкімшілік бөлімдер арасындағы келіспеушілік. Бұл команданың толық жаттығу жиынын өткізіп, құрамын дұрыс жасақтауға кедергі келтірді. Мемлекетке тиесілі клубтардың ел ішінде табысқа жетуі қиын, ал ұжым ішінде ауызбіршілік болмаса, тіптен мүмкін емес.

Дегенмен, «Ақтөбе» маусымды сәтті өткізе алар еді. «Тобылдан» 0:2 есебімен жеңілгенін есептемесек, «Жетісудан» 1:2 есебімен жеңілгені басты қателігі болды. Бұл өте ауыр жеңіліс болды. Олар өз алаңында «Қайраттан» (1:2) жеңіліп, чемпиондық жарыстан шығып қалғанын көтере алмады. «Жеңіске» (0:2) және «Елімайға» (1:2) қарсы жеңілістерден кейін үшінші орыннан да айырылып қалды, ал «Ұлытауға» (1:2) қарсы ойында төртінші орынмен де қоштасты», – деді бұрынғы функционер.

«Қызыл-ақтардың» Премьер-лигада бесінші орын алғаны – команданың соңғы төрт жылдағы ең нашар нәтижесі. Сонымен қатар, клуб осы маусымда үш рет бапкер ауыстырды: Николай Костов, Игорь Леонов және Вячеслав Левчук.