Зария – «Қайраттың» чемпиондығы жайлы: бәріміз тарихқа ендік

«Қайрат» жартылай қорғаушысы Гиорги Зария ASnews.kz порталына берген сұхбатында чемпиондық сезімдерімен бөлісіп, әр ойыншының еңбегі ерекше екенін атап өтті.

«Біз бір командамыз. Алаңға шыққан әр футболшы бар күшін салады. Эдмилсон ойынға қосылып, шабуыл шебінде өз жұмысын атқарды. Ол кіріскеннен кейін ойын жандана түсті. Барлық футболшы «Қайраттың» тарихына өз есімін жазды. Бұл – үлкен жетістік. «Қайрат» бұрын-соңды қатарынан екі рет чемпион болмаған. Біз мұны бірге жасағанымызға өте қуаныштымын. Мұндай сәттер өмір бойы есте қалады», – деді Зария.

«Қайрат» қатарынан екінші маусымда Қазақстан чемпионы атанды. Алматы клубы соңғы турда «Астанамен» 1:1 есебімен тең ойнап, маусымды 59 ұпаймен аяқтады. Бұл – клуб тарихындағы бесінші алтын медаль.