Максим Жалмағамбетов: қазақстандық төрешілер өз-өздерін абыройдан айырды

Қазақстан құрамасының бұрынғы қорғаушысы Максим Жалмағамбетов ASnews.kz сайтына берген сұхбатында ҚФФ-ның «Қайрат» пен «Астана» арасындағы шешуші матчқа шетелдік төрешілерді шақыру туралы шешіміне тоқталды.

«Жеке өзім мұны қалыпты тәжірибе деп санаймын. Соңғы 10 жылда болған жағдайларға сүйенсек, төрешілерге деген сенім жоғалды – жанкүйерлер тарапынан да, клубтар тарапынан да. Мұны бәрі біледі. Бұл мәселе барлық жерде - Telegram арналарында және басқа да платформаларда талқылануда. Сондықтан олар шетелдік төрешілерді шақыру туралы шешім қабылдады. Қазақстандық төрешілер өз-өздерін абыройдан айырды, сондықтан оларға ешкім сенбейді», – деді Жалмағамбетов.

«Қайрат» пен «Астана» матчында 35 жастағы Маттео Маркетти бастаған италиялық төрешілер тобы қазылық етеді. Оған қос қапталдан Валерио Коларосси мен Кристиан Росси көмектеседі. Давиде Герзини VAR жүйесіне жауап береді, ал төртінші және aVAR төрешісі қызметін қазақстандық мамандар Сәкен Байымбет пен Татьяна Сорокопудова атқарады.