Жалмағамбетов – шешуші матч жайлы: «Қайратта» басымдық бар

Қазақстан құрамасының бұрынғы қорғаушысы Максим Жалмағамбетов ASnews.kz сайтына берген сұхбатында «Қайрат» пен «Астана» арасындағы шешуші матчқа қатысты өз ойымен бөлісті.

«Екеуі де мықты команда. Ойынның сценарийі әртүрлі болуы мүмкін. Мысалы, «Қайраттың» соңғы матчында «Пафос» ойыншысы кездесудің басында алаңнан қуылды, ал ойын басқаша өрбіді. Сондықтан алдын-ала бірдеңе деп айту қиын. Бірақ алматылықтардың бірнеше артықшылығы бар. Біріншіден, лық толы стадионның қолдауына ие болады. Екіншіден, олар табиғи, ал «Астана» жасанды төсеніште ойнайды және жаттығады. Сонымен қатар, Астанаға қарағанда Алматыда ойнау физикалық тұрғыдан қиынырақ: өйткені, бұл таулы аймақ, тыныс алу қиындайды. Бұл қонақ командаға қатты әсер етеді. Бірақ жалпы алғанда, командалар тең дәрежеде», – деді Жалмағамбетов.

«Қайрат» пен «Астана» арасындағы Қазақстан Премьер-лигасының чемпионатының шешуші матчы 26 қазанда Алматыдағы Орталық стадионда өтеді.

Алматылық команда 58 ұпаймен турнир кестесінде көш бастап тұр, «Астана» олардан екі ұпайға артта келеді. Алаң иелеріне тең ойынның өзі екінші жыл қатарынан чемпион атануға жеткілікті болады.