Струмия – болашағы жайлы: «Ақтөбеге» оралуға дайынмын

«Ақтөбенің» бұрынғы жартылай қорғаушысы Леонель Струмия ASnews.kz порталына берген сұхбатында «Астанаға» қарсы өткен (3:5) ойындағы әсерімен бөлісті.

«Шынында, «Астана» ойынды жақсы бастады және бізге қарағанда ақылдырақ ойнады. Сол себепті олар жеңіске жетті. Енді біздің команда барлық жағынан дамып, 2026 жылы Премьер-лигада чемпион болады деп үміттенемін», – деді Струмия.

33 жастағы черногориялық «Будучность» клубының ойыншысы Қазақстанға қайта оралуға қарсы емес екенін айтты:

«Желтоқсанда менде клубтан кетуге мүмкіндік бар. Отбасым үшін біраз қиындықтар туындағандықтан, Черногорияда қаламын деп ойламаймын. Қандай нұсқалар болатынын көре жатармыз. «Ақтөбеге» қайта оралуға қарсы емеспін – әрқашан сүйікті клубым үшін ойнауға дайынмын. Шүкір, денсаулығым һәм физикалық жағдайым жақсы, – деді аргентиналық футболшы.

Струмия 2023 жылдың басында «Ақтөбеге» ауысқан еді. Өткен маусымда команда капитаны ретінде «ақ-қызылдармен» бірге Қазақстан кубогын жеңіп алды.