Шомко – «Қайратпен» болатын чемпиондық матч жайлы: алтынды өзімізге қайтарғымыз келеді

«Астана» қорғаушысы Дмитрий Шомко ASnews.kz тілшісіне берген сұхбатында ҚПЛ чемпионын анықтау үшін өтетін «Қайратқа» қарсы шешуші матч жайлы пікірімен бөлісті.

«Бірдеңе деп айту қиын, бірақ бізді «Қайратқа» қарсы қиын матч күтіп тұр. Қарсыласымызды жан-жақты талдап, барынша дайындаламыз. Біз чемпиондықты өзімізге қайтарғымыз келеді. Біз еурокубокке жолдама алу деген ең төменгі мақсатымызға жеттік. Ендігі басты мақсат – чемпион атанып, келесі жылы Чемпиондар лигасында ойнау», – деді Шомко.

Бүгінгі жеңістен кейін «Астана» 56 ұпай жинап, Қазақстан Премьер-лигасының турнирлік кестесінде екінші орынға табан тіреді. «Қайрат» 58 ұпаймен көш бастап тұр. Чемпион 26 қазанда қос команда арасындағы матчта анықталады.