Дмитрий Шомко – «Ақтөбемен» болған ойын жайлы: эмоцияны алаңға тастап кеттік

«Астананың» қорғаушысы Дмитрий Шомко ҚПЛ 25-ші турында «Ақтөбені» өз алаңында 5:3 есебімен жеңгеннен кейін ASnews.kz тілшісіне өз эмоцияларымен бөлісті.

«Ешқандай эмоция қалмады – барлық эмоцияларды футбол алаңына тастап кеттік. Екі команда соңына дейін шайқасты, ешқайсысы ұпай жоғалтқысы келмеді. «Ақтөбе» соңына дейін күресті. Екі команда да жеңіс үшін ойнады. Атмосфера керемет болды – «Астана» тарапынан да, «Ақтөбе» тарапынан да. Олар нағыз футбол мерекесін жасады. Алға қарай жылжимыз», – деді Шомко.

Бүгінгі жеңістен кейін «Астана» 56 ұпай жинап, Қазақстан Премьер-лигасының турнирлік кестесінде екінші орынға табан тіреді. «Қайрат» 58 ұпаймен көш бастап тұр. Чемпион 26 қазанда қос команда арасындағы матчта анықталады.