Британдық эксперт: Тұяқбаев «Ковентриде» Лэмпардпен жақсы тіл табысады

Британдық сарапшы және All Things Sky Blue подкастының жүргізушісі Гленн Уоткин ASnews.kz тілшісіне берген сұхбатында «Азамат Тұяқбаев «Ковентри Ситиде» көлбасшы ойыншы бола ала ма?» деген сұраққа жауап берді.

«Ковентриге» қос қапталда және ондық позициясында ойнайтын футболшылар жетіспейді, сондықтан Тұяқбаев команданы күшейте алады. Ол креативті және жан-жақты шабуылшы. Дегенмен, Азаматтың әлі де жоғары деңгейде ойнамағанын ескеріп, тәуекел жасауға қорқатыны анық. Оның үстіне, ҚПЛ-дан басқа чемпионатқа ауысқан кезде бейімделу үшін уақыт керек.

Лэмпард әдетте негізгі құрамды таңдағанда тепе-теңдікті сақтайды – асықпағанымен, біртіндеп жас ойыншыларды командаға енгізеді. Фрэнк олардың тілін таба біледі және шынымен лайық болған кезде мүмкіндік береді. Егер клуб Тұяқбаевтың әлеуетін байқап тұрса, бұл трансфер болашақта олар үшін үлкен инвестиция болуы мүмкін», – деп атап өтті сарапшы.

Фрэнк Лэмпардтың командасы тоғыз матчтан кейін Чемпионшипте көш бастап тұр. Команданың жалпы құны 107,95 миллион еуроға бағаланып отыр, бұл «Қайраттқа» қарағанда сегіз есе көп.

Уоткин бұған дейін ойыншының әлеуеті зор екенін айтқан болатын.