Камараның агенті – «Астанадан» кетуі жайлы: ҚПЛ ол үшін тамаша мүмкіндік болды

«Астана» вингері Усман Камараның агенті Лино Грумиро ASnews.kz тілшісіне берген сұхбатында алдағы жоспарлары жайлы пікір білдірді.

«Усманның «Астанамен» әлі бір жылдық келісімшарты бар. Басты мақсатымыз – чемпионатта топ жару, бұл ол үшін маңызды сынақ әрі көптен күткен марапат болады. Мен оған үнемі: «концентрацияңды жоғалтпай, маусымның соңына дейін ең жақсы ойыныңды көрсет» деп айтамын», – деді агент.

Грумиро Камараның статистикасына риза екенін және жағдайға байланысты әртүрлі нұсқаларды қарастыруға дайын екенін мәлімдеді:

«Маған Усманның статистикасы ұнайды, сондықтан клубтың ұсыныстары мен амбицияларына байланысты біз әртүрлі нұсқаларды қарастырамыз. Қазір күтуіміз керек. Әрине, агент ретінде мен ең жақсы нұсқаны табуға тырысамын, бірақ ол барлық тараптардың талабына сәйкес келуі тиіс».

Агент сонымен қатар 26 жастағы гвинеялық ойыншыға қызығушылық танытқан клубтарды атап өтті:

«Бұған дейін Камараға Түркия, Ресей және Израиль командалары қызығушылық танытты. Бұл нені білдіреді? Бұл ҚПЛ дарынды ойыншылар үшін керемет мүмкіндік бола алады дегенді білдіреді. Өкінішке орай, Батыс Еуропада мұны көбісі түсіне бермейді.

Африкалық футболшы «Астанаға» 2024 жылдың басында ауысты. Содан бері елордалық клуб сапында «гол+пас» жүйесі бойынша 33 ұпа жинап, ұлттық құрама сапындағ дебют жасады. Усман бұған дейін «Волеренга», «Дила» және «Динамо Тбилисиде» ойнаған.