«Ақтөбе» шабуылшысының агенті: Соса әлі таңқалдырады

Нигер құрамасы мен «Ақтөбе» клубының шабуылшысы Даниэль Сосаның агенті Лино Грумиро ASnews.kz тілшісіне берген сұхбатында футболшының Қазақстаннан алған алғашқы әсерімен бөлісіп, оның әлеуетіне баға берді.

«Даниэльдің «Ақтөбеге» келгеніне аз ғана уақыт болды, әзірге біз мұны жақсы тәжірибе деп есептеп отырмыз: бұл керемет клуб, рух, жанкүйерлер және атмосфера. Ол осында келгеніне дән риза және матч сайын өз ойынын жақсартуға тырысады. Жаңадан келгендерге бейімделу үшін әрқашан уақыт керек», – деді агент.

Грумироның айтуынша, украиналық «Кривбастың» бұрынғы ойыншысы шабуылда өзін жақсы қырынан көрсетуде:

«Нигер ұлттық құрамасында Соса шабуылшы ретінде ойнайды – оған гол соғып, нәтиже көрсету оңайырақ. Ұлттық құраманың соңғы екі матчында ол маңызды ұпайларды алуға көмектесетін басты көзірге айналды. Даниэль командадағы негізгі шабуылшылардың бірі.

Басқа клубтардың қызығушылықтарына қарамастан, Даниэльдің барлық назары қазіргі командасына бағытталған. Басшылық оған сенді және ол алаңдағы нәтижелермен жауап қайтарғысы келеді. Келісімшарт 18 айға жасалған, сондықтан алдағы уақытта бұдан да жақсы ойнайды деп сенемін».

«Ақтөбеге» келгеннен бері Соса екі гол соғып, бір нәтижелі пас берді. Сондай-ақ ол Нигер құрамасында жүріп, Конго мен Замбия қақпасынан саңылау тапты.