Сейдахмет – «Уфаға» ауысуы туралы: шетелге ерте кеттім

«Ақтөбе» клубының жартылай қорғаушысы Еркебұлан Сейдахмет YouTube-тағы «Футбол Жолы» арнасына берген сұхбатында Ресейге ерте кеткенін мойындады, деп хабарлайды ASnews.kz.

«Уфа» мені қалдырғысы келген еді, бірақ жарақаттарым болғандықтан Қазақстанға қайтуды ойладым. Ресейге ерте кеттім. Оның үстіне, жалғыз өзім барып, қиналып қалдым, әсіресе, тіл жағынан. «Уфа» сонда да маған сенім артып, командада қалдырғысы келді. Бірақ кетуге тура келгендіктен, олар мені сатуға мәжбүр болды. «Уфаға» ерте кеттім деп ойлаймын. Ес жинап, бір-екі жылдан кейін кетуім керек еді», – деді 25 жастағы футболшы.

Сейдахмет 2018-2019 жылдар аралығында «Уфада» ойнап, кейін болгариялық «Левскиге» ауысты.

Еркебұлан осы маусымда 20 матчқа қатысып, 1 гол мен 4 ассист рәсімдеді.