Самат Смаков – «Қайрат» туралы: олар Еуропада ойнап жүр, қателіктің құнын түсінеді

«Жетісудың» бас бапкері Самат Смаков Қазақстан Премьер-лигасының 26-шы турында алматылық «Қайратпен» болған ойыннан (5:0) кейін қарсыластарының деңгейін ерекше атап өтті, деп хабарлайды ASnews.kz.

«Айырмашылық көрініп тұр. «Қайрат» Еуропада ойнайды, олар ол жақтағы қарқынның қандай екенін көріп жүр және кез-келген қателіктің голға айналатынын түсінеді. Сондықтан олар қателеспей, сауатты ойнайды», – деді Смаков.

Бұған дейін талдықорғандық клубтың бапкері матчқа дайындық кезінде тактикалық қате жібергенін мойындап, жеңіліс үшін жауапкершілікті өз мойнына алатынын хабарлаған болатын.