Смаков – «Қайраттан» жеңілгені туралы: тактикалық тұрғыдан қателестім

Талдықорғандық «Жетісудың» бас бапкері Самат Смаков ҚПЛ 24-шы турында «Қайратпен» болған ойынды (5:0) қорытындылады, деп хабарлайды ASnews.kz.

«Мұндай матчтан кейін бірдеңе айту қиын. Жеңілісті толықтай өз мойныма аламын – бірінші таймда шашылып қалдық. Тактикалық тұрғыдан алғанда бұл менің қателігім. Соның кесірінен пенальтиді айтпағанда, қорғаныста өрескел қателіктер болды. Біздің қорғаушылар бірінші рет футбол ойнап жатқандай әсер қалдырды. Кейбіреуі қобалжып, кейбірі трибунадағы қысымнан қорқып қалған шығар.

Ойынның алдында мен: «егер біреу қорқып жатса, алаңға шықпай, 0:3 есебімен жеңіле салайық» деп айттым. Өйткені бір адамның қорқынышы бүкіл ұжымға беріледі. Бүгін бізді жай ғана шашып тастады – алаңға футбол орталығының жігіттері шыққандай болды», – деді Смаков.

Алматылық «Қайрат» бүгін «Жетісуды» 5:0 есебімен ұтты. Жоржиньо дубль жасаса, Эдмилсон, Дастан Сәтпаев (пенальти), Азамат Тұяқбаев бір голдан соқты.