Шушеначев – «Ақтөбеге» ауысуы жайлы: мұнда кез-келген қарсылас ойнауға қиналады

Қазақстан құрамасының шабуылшысы Артур Шушеначев ютубтағы «Футбол Жолы» арнасына берген сұхбатында «Ақтөбеге» ауысуы туралы пікір білдірді, деп хабарлайды ASnews.kz.

«Мен «Қайраттың» ойыншысы болған кезімде Ақтөбеде ойнау әрқашан қиынға соғатын. Мұндағы атмосфера ерекше: футбол стадионында жүгіру жолағы жоқ, ал жанкүйерлер команданы 90 минут бойы алға жетелейді. Қарсыластар үшін бұл оңай емес. Ал қазір «Ақтөбеде» болғандықтан, өзімді осында жақсы сезінемін.

Форвард «Ақтөбегк» ауысу туралы шешімді қалай қабылдағанын да түсіндірді:

«Трансфер жүзеге аспас бұрын Рамазан Оразовқа телефон соғып, қала мен клуб туралы сұрадым. Ол маған жақсы мәлімет берді. Мен үшін тағы бір артықшылығы – «Ақтөбеде» кезінде менімен бірге «Қайрат» пен ұлттық құрамада ойнаған таныс ойыншылар бар», – деді шабуылшы.

Шушеначев Қазақстан құрамасының Лихтенштейн және Солтүстік Македония құрамаларына қарсы ойынға қатысатын ойыншыларының кеңейтілген тізіміне енді.