«Астананың» экс-ойыншысы – Жақсылық туралы: Еуропада кез келген клубта жетістікке жетеді

«Каунастың» жартылай қорғаушысы Фабиен Урега ASnews.kz сайтына берген сұхбатында Нұралы Жақсылықтың Еуропадағы болашағына қатысты пікір білдірді. Француз футболшысы 2023–2024 жылдары «Астана» сапында ойнаған болатын.

«Жақсылық «Каунасқа» келе ме? Ондай қауесетті естімедім. Бірақ Нұралы – нағыз талант. Ол Еуропадағы кез келген клубта жетістікке жете алады. Ең бастысы – бойындағы дарынын бағалап, еңбектене білуі керек», – деді Урега.

Айта кетейік, Литва чемпионатының көшбасшысы Жақсылықты қатарына қосуды көздеп отыр. Биылғы маусымда 20 жастағы шабуылшы КПЛ-де төрт нәтижелі әрекет жасады.

Өз кезегінде Урега «Астанада» өткізген 50 ойында бір гол соғып, сегіз голдық пас берген. Ал дәл сондай аралықта «Каунас» сапында оның көрсеткіші – сегіз гол мен алты пас.