«Астана» қорғаушысы: ота жасатқаным кеше, көңіл-күйім жақсы

«Астананың» литвалық қорғаушысы Кипрас Кажуколовас ASnews.kz тілшісіне берген сұхбатында тізесіне ота жасалғаннан кейінгі жағдайы туралы айтып берді.

«Мен өзімді жақсы сезінемін. Операциядан шыққаным енді. Көңіл-күйім жақсы, енді қалыпқа келу жұмыстарына дайындалып жатырмын. Мен «Астананың» барлық матчтарын бақылап отырмын және биылғы жылы чемпион болатынымызға сенемін. Қанша уақытқа қатардан шыққанымды айта алмаймын, бірақ алаңға тезірек оралып, командама өз үлесімді қосу үшін қолымнан келгеннің бәрін жасаймын», – деді литвалық қорғаушы.

Сондай-ақ 24 жастағы футболшы жанұясы мен клубтың қолдауын жоғары бағалады:

«Менің айналамда ең жақсы адамдар бар, сондықтан қуанышымда шек жоқ. Әріптестерімнен бастап басшылыққа дейін «Астанада» барлығы қолдау көрсетуде. Осындай қиын кезеңде мені назардан тыс қалдырмағанына қуаныштымын».

«Брайтонның» бұрынғы ойыншысы крест тәрізді байламы үзілгендіктен маусымның қалған бөлігінде алаңға шықпайды. Ол осы маусымда барлық турнирлерді қоса есептегенде 22 матч өткізді.