«Қайсар» U-16 ойыншысы матч кезінде инсультке ұшырады

13 қыркүйек күні «Атырау» мен «Қайсар» арасындағы QJL U-16 жасөспірімдер лигасының матчында қайғылы оқиға орын алды, деп хабарлайды ASnews.kz.

Қонақ команданың 2010 жылы туған ойыншыларының бірі кенеттен жерге құлап түсті. Өз бетімен тұруға тырысқанымен, жедел-жәрдемнің көмегіне мұқтаж болды.

Ойыншы тез арада ауруханаға жеткізіліп, оған инсульт деген диагноз қойылды. Қолда бар мәліметтерге сүйенсек, 15 жастағы футболшы жартылай сал ауруына шалдыққан – денесінің бір жағы істемей қалған.

«Қайсар» ФК басшылығы бірден Атырауға ұшып, жас спортшы мен оның отбасына барлық қажетті көмекті көрсетуде.