ҚФФ легионерлерге лимит қояды: 2026 жылдан бастап клубтар қазақстандықтарды көбірек тіркеуі тиіс

Қазақстан футбол федерациясы Премьер-лигада ойнайтын клубтарға шетелдік ойыншыларға қатысты шектеуді өзгертуді жоспарлап отырғаны туралы баяндалған хат жолдады, деп хабарлайды ASnews.kz.

Ұйымның мәліметінше, 2026 жылдан бастап кәсіби клубтардың өтініміндегі қазақстандық футбол түлектерінің саны біртіндеп арта бастайды:

• 2026 жылғы маусымда – кемінде 15 ойыншы;
• 2027 жылғы маусымда – кемінде 16 ойыншы;
• 2028 жылғы маусымда – кем дегенде 17 ойыншы.

Сонымен қатар, шетелдік ойыншылардың саны да біртіндеп қысқарады:

• 2026 жылы – 10-нан;
• 2027 жылы – 9-дан;
• 2028 жылы – 8-ден аспауы тиіс.

Оған қоса, ҚФФ 2025 жылы қатарға қосылған және ұзақ мерзімге келген шетелдіктермен келісімшарт жаңа ережелерді ескере отырып, мерзімінің соңына дейін жарамды болатынын баса айтты.

Федерация клубтардан өзгерістерге келісу немесе өз ұсыныстарын жіберуді сұрады.