«Жеңіс»–«Ақтөбе»: қонақтар ұпай үшін таласады

19 сәуірде Астанада ҚПЛ-дың 6-шы туры аясында елордалық «Жеңіс» пен «Ақтөбе» кездеседі, деп хабарлайды ASnews.kz.

«Жеңіс»

Әли Әлиевтің командасы 3 ұпаймен турнирлік кестеде 13-ші орында тұр, жағдайлары өте қиын. Алғашқы бес турда елордалық клуб бірде-бір жеңіске жеткен жоқ. Петропавлдағы соңғы матчта «Жеңіс» «Қызылжардан» ойсырата ұтылды (0:4). Осыдан кейін Әли Әлиев «Ақтөбемен» ойынды «финал» деп атап, сәтсіздік болған жағдайда қызметінен кетуі мүмкін екенін аңғартты. Кубокта «Хромтауды» жеңгені (4:1) көңілге демеу болғанымен, чемпионаттағы гол соғу және қорғаныстағы тәртіп мәселелері әлі де шешілген жоқ.

«Ақтөбе»

«Қызыл-ақтар» «Қайрат» пен «Елімайдан» ұтылғаннан кейін біртіндеп ес жиып келеді. Қазіргі уақытта Штефан Таркович командасы 7 ұпаймен 10-шы орында тұр. Соңғы турда «Ақтөбе» «Каспийді» минималды есеппен (1:0) жеңсе, Кубокта «Арысты» тас-талқан етті (4:0). Кадрлық ауыс-түйістерге қарамастан, қонақтардың шеберлік деңгейі қарсыластан жоғары. «Ақтөбе» үшін басты міндет – қорғанысты реттеу, өйткені команда 5 турда 7 доп өткізіп алды.

Фактілер мен сандар

• «Жеңіс» биылғы ҚПЛ маусымында әлі жеңіске жетпеді.
• «Жеңістің» бас бапкері Әли Әлиев жеңіліс тапса, қызметінен кетуі мүмкін.
• «Ақтөбе» соңғы екі ресми матчында жалпы 5:0 есебімен жеңіске жетті.
• Соңғы өзара кездесуде «Жеңіс» «Ақтөбені» 2:0 есебімен ұтқан.
• «Ақтөбе» маусым басындағы 5 матчтың 4-де гол жіберіп алды.

ASnews.kz болжамы

Бұл матч екі тарап үшін де принципті маңызға ие. «Жеңіс» үшін бұл – аман қалу және бапкерлер штабын сақтап қалу мәселесі, сондықтан олар алға ұмтылады. «Ақтөбе» үшін бұл – кестенің жоғарғы бөлігіне қайта оралу мүмкіндігі. Әли Әлиевтің айналасындағы эмоционалды жағдайды және екі команданың да қорғаныстағы осалдығын ескерсек, ойын жабық болмайды. «Ақтөбенің» тәжірибесі шешуші фактор болуы тиіс, бірақ елордалық клуб соңына дейін айқасады.

• Негізгі болжам: «Ақтөбенің» жеңісі форамен (0)
• Альтернативті болжам: Екі команда да гол соғады – иә