«Аристің» экс-бапкері – «Пафос» туралы: «Қайратқа» оңай болмайды

Алматылық «Қайраттың» бұрынғы бас бапкері Алексей Шпилевский ASNews.kz (BorodAbata.kz) тілшісіне берген сұхбатында «Пафостың» қаншалықты қауіпті екенін айтты. Алматылықтар Чемпиондар лигасының үшінші турында кипрлік ұжыммен күш сынасады.

«Олар біздің Кипрдегі басты бәсекелесіміз болды. Өткен жылы біз «Ариспен» рекорд жасап, тарихта болмаған ұпайды жинадық, бірақ «Пафос» бәрібір бізді басып озып, чемпион атанды. Бұл олардың қаншалықты сапалы команда екенін аңғартады. Команданың ұтымды философиясы бар және инфрақұрылымға, ойыншыларға, скаутингке инвестиция салуда. Барлығы жоғары деңгейде ұйымдастырылған.

«Қайратқа» оңай болмайды, өйткені мен үшін «Пафос» Чемпиондар лигасына жайдан-жай шықпаған еуропалық клуб», – деді ресейлік «Пари НН» клубының қазіргі жаттықтырушысы.

«Қайраттан» кеткеннен кейін Шпилевский үш жыл бойы кипрлік «Аристі» баптады. Ол «Пафосқа» қарсы 15 матч өткізіп, бесеуінде жеңілді, жетеуінде тең түсті.

Кипрлік клубтың жалпы құны 26,1 миллион еуроға бағаланса, алматылықтар 12,53 еуроға бағаланып отыр. Сондай-ақ «Пафосқа» жақында ғана «Челсимен» Чемпиондар лигасын жеңіп алған атақты қорғаушы Давид Луиз қосылды.

«Қайрат» пен «Пафос» арасындағы матч 21 қазан күні Орталық стадионда өтеді.